በበጎ ፈቃደኝነት ተነሳሺነት ፣ በፈረንሳይ ኗሪ በሆኑ ኢትዮጵያውያኖችና በፈረንሳይ ተወላጅ ጓደኛሞች መካከል በኢትዮጵያ ውስጥ በችግር ላይ ወድቀው ርዳታ ለሚያስፈልጋቸው ተማሪዎችና ት/ቤቶች ፣ ያለባቸውን ችግር አብረዋቸው ለመካፈል ፣ የፈረንሳይ 1901 ዓ/ም ሕግ በሚፈቅደው መሠረት በአውሮፓውያን ቀን አቆጣጠር በ ሐምሌ 18 - 1996 ዓ/ም « Association Bourgeons » ፣ ሲነበብ ‘’ቡርዦ’’ ሲተረጎም ደግሞ ‘’ እንቡጥ’’ በሚለው ስም ማኅበሩ ተሰይሞ ተቋቋመ :: በዚህ ሕግ አንቀጽ 1901 ስር የሚተዳደሩ ማኅበሮች ምንም የመተዳደሪያ ገቢ የሌላቸው ወይም በንግድ ዓለም ተሰማርተው አትራፊ ያልሆኑ  ግብረሰናይ ማኅበሮች ናቸው ::
ስለዚህ እንቡጥ ወይም Bourgeons በዚህ ሕግ ስር የሚተዳደር በመሆኑ ፣ በመዋቅሩ ደረጃ ፣ መንግሥታዊ ያልሆነ ድርጅት ወይም (NGO / Non-Governmental Organization) ያልሆነ በመሆኑ ፣ ከሌላ የውጭ ድርጅት ምንም ዓይነት ገቢ የሌለው ሲሆን ፣ የገንዘብ መዋጮ ፣ የጉልበት ፣ የዕውቀት ና የነጻ አገልግሎት ፣ ከበጎ አድራጊ አባሎቹ በሚሰጠው ልገሳ የሚተዳደር ፣ በበጎ ፍላጎት ላይ የተመሠረተ የወንድማማቾች ማኅበር  ነው ::

እስካሁን ያለው አሃዝ እንደሚያመለክተው ፣ የእንቡጥ (Bourgeons) ማኅበር ከተመሠረተ ግዜ ጀምሮ የተከታተልናቸው ተማሪዎች ከአንደኛ ክፍል ጀምሮ እስከ ዩኒቨርሲቲ ፣ በአስተማሪነት ፣ በሰዓሊነት ፣ በመኪና ሜካኒክ ፣ በፀጉር ስራ ፣ በጋራዥ ፣ በኮንፒተር ፣ በሂሳብ አያያዝ ፣ በባንክ ሥራ ፣ በፀሐፊነት በንግድ አለም ወዘተ በተለየ የሙያ ዘርፍ የተሰማሩ 262 ተማሪዎች ራሳቸውን ችለው በማኅበራዊ ኑሮ ውስጥ ሙሉ ተሳታፊ ለመሆን በቅተዋል ።

ለቁም ነገር በደረሱ ሰአት ፣ የሚጽፉት የስንብት ደብዳቤ ባጭሩ ሲነበብ :- « ለዚህ ወግ ስላበቃችሁኝ እያመሰገንኩ ከቻላችሁ በኔ ቦታ ሌላ ወጣት ውሰዱ ። እኔ ደግሞ አቅሜ ከፈቀደ በወጣቶች ክለብ ውስጥ በመሳተፍ ሌሎቹን ለመርዳት ቃል እገባለሁ » ይላል ።

መጀመሪያ ከነበሩት ውስጥ አግብተው ልጆች ያፈሩ ጥቂት አይደሉም ፣ እስካሁንም ከማኅበሩ ጋር የሰላምታ ግንኙነታቸውን አላቋረጡም ። ድንቅዬዎቻችን ናቸው ::
ስለዚህ ፣ በእንቡጥ ማኅበር ጥላ ሥር ሆነው ለሚማሩ ተማሪዎች ፣ የተጀመረላቸው ዕርዳታ በችግር ምክንያት የመቋረጥ እድል እንዳይገጥመው የድርሻዎትን ያበርክቱላቸው ፣ ላልሰሙ አሰሙ !!

ጥያቄያቸው ምንድነው ?
የዓመት ፣ የት/ቤት መመዝገብያ ክፍያ ፣ የደንብ ልብስ ፣ መጽሐፍ ፣ ደብተር ፣ እርሳስ ፣ አጠቃላይ የዓመት ትምህርት ቁሳቁስ መግዣ ወዘተ የመሳሰሉት ናቸው ::
ይኽ ከተሟላላቸው የት/ቤት በርን በችግር ምክንያት ከማንኳኳት ዳኑ ማለት ነው ::
---
በተማሪዎቻችን ስም ሆነን ለርዳታዎ እናመሰግናለን
ከእንቡጥ ማኅበር ቢሮ  

 


የተማረ ትውልድን ማፍራት አገርን ማዳን ነው !!

የሚጽፍ የሚያነብ የሚያሰላ ትውልድ ይመራመራል ፣
ለምን የሚለውንም ግንዛቤ ያገኛል ።
ከዚኽም አልፎ ቤተሰብና አገርን ይመራል ።

ስለዚህ ፣ ይኽን ዕድል እንስጣቸው !!


የእንቡጥ ማኅበር ሕይወት በቪዲዮና በራዲዮ ቃለ ምልልስ ዙርያ

_____________________________________________________________________________

አጋር የእንቡጥ ማኅበር የኢትዮጵያ ምግብ ቤቶች ድረገጽ

ፓሪስ :
ጎጆ ፣ ምኒሊክ ፣ አቢሲኒያ ካፌ ፣ ኢትዮጵያ ፣ ሐበሻ ፣ እንጦጦ ፣ ለንጉስ ፣ ለላክ ጣና ፣ አጼ ቴዎድሮስ ፣ አዲስ አበባ ፣ ሌሳቨር ደአቢሲኒ ፣ እቴጌ ጣይቱ ፣ ኢትዮ-ሳሪስ ... ስዊዝ : አቢሲኒያ-ሎዛን ፣ አቢሲኒያ-ሲኦ ፣ አቢሲኒያ ነሻቴል ፣ አቢሲኒያ-በርን ፣ አቢሲኒያ-ፍሪቡር ---- አሜሪካ - ዳላስ : ቡክሪ ካተሪንግ

_____________________________________________________________________________

የእንቡጥ ማኅበር አድራሻ - Association BOURGEONS 27 André Tessier 94120 France | | የማኅበሩን ዓላማ ለሌላው በማስተዋወቅ እንርዳ ||የእድሳት ቀን ጥቅምት - ፬ ፳፻፲፫ ዓ/ም

_____________________________________________________________________________